Dźeń serbskich institucijow
Tag der sorbischen Institutionen für die Klasse 8a
Wutoru, 6. meje je naša rjadownja 8a projektny dźeń měła. Smy sej wšelake serbske institucije wobhladali. Šulerjo a šulerki wo tym rozprawjeja:
Vera Šafranková, Melanie Witt:
Naju skupina je w Němsko-Serbskim ludowym dźiwadle była. Knjeni Jenčowa je nas witała. Najprjedy smy sej dźiwadło wobhladali. Smy w technikowej rumnosći a we wotdźělu za marketing byli. Potom smy dźiwadłowe hry hrali a někotre wosoby zeznali. To je jara zajimawe było. W šuli smy prezentaciju wo dźiwadle přihotowali. Projektny dźeń je so mi lubił.
Lena Kliemann:
Moja skupina je w Serbskim ludowym ansamblu była. Intendant knjez Kreibich-Nawka je nas witał. Najprjedy smy w Röhrscheidtowej bašće byli. Potom smy baletnym rejowarjam přihladowali. To je zajimawe było. Na kóncu smy sej kostimowy fundus wobhladali. W šuli smy plakat wuhotowali a prezentaciju přihotowali. Projektny dźeń je so mi lubił.
Ich fand die Führung durch das SNE sehr interessant und informativ. Besonders hat mir die Besichtigung des Kostümfundus gefallen. Insgesamt war es eine tolle Tour und es gab viel zu sehen.
Anna Pötschke:
Moja skupina je w Serbskim muzeju była. Knjeni Pawlikowa je nas witała. Najprjedy smy informacije wo muzeju dóstali. Potom smy sej serbske drasty wobhladali. To je wulkotnje było.
Das Museum war sehr interessant und informativ. Der Raum mit der Lakritz als Sitzmöbel war das Beste von allem, ich finde, man sollte mehr von solchen Räumen einrichten, da sie so einladender für Kinder und Jugendliche sind.
Lena Säuberlich, Malte Schulz, Alois Rauschmaier:
W ansamblu smy za kulisami pohladali, smy sej fundus wobhladali a tež přednošk wo orchestrje, baleće a chorje słyšeli. Na kóncu, jako wjeršk, smy směli do baletneje próby pokuknyć. Tam su runje šulerki a šulerjo z Ameriki byli. Wróćo w šuli smy hišće plakat zhotowili a tamnym šulerjam rjadownje naše nazhonjenja předstajili. Dźeń bě derje organizowany a jara informatiwny.
Avelina Klingstec, Arthur Gocht:
W Serbskim muzeju smy kołowjedźenje dóstali. Smy sej serbsku drastu a wustajeńcu wo narodnych mjeńšinach wobhladali. Hdyž smy so zaso do šule nawróćili, mějachmy składnosć, muzej sobušulerjam bliže předstajić. Nam je so tutón dźeń jara lubił, dokelž je zajimawy był.
Projekte
Sagenwanderung der Klasse 5 durch Bautzen im November 2024
Po puću w Budyšinje
Na slědy Budyskich powěsćow je so štwórtk, 14.11. 2024, rjadownja 5a Budyskeje Serbskeje wyšeje šule podała. Ju su wučerce knjeni Klingnerowa a knjeni Kuringowa kaž tež šulska pomocnica knjeni Zückerowa přewodźeli. Powěsćowe pućowanje wjedźeše jich do Budyskeho stareho města. Tam wopytachu Pětrowu cyrkej, Staru wodarnju, Karasekowu a Maćijowu wěžu. Nimo toho pobychu na Mikławšku. Na kóždej staciji je skupinka šulerjow powěsć wo tutym městnje powědała. Tak su šulerjo mjez druhim zhonili wo rubježniku Karaseku a wo lubosćinskim poriku, kiž bu žiwy zamurjowany.
Powěsćowe pućowanje su přewjedli, zo bychu městno podawka widźeli a sej powěsć lěpje předstajić móhli. Wšitcy so mudriši z Budyskeho stareho města do šule nawróćichu.
Božidar Chěžka, 5a
